Шарлот се држеше на паркетот на Кливленд до 38 минута, имаше само четири коша негатива (94:90) што упатуваше на неизвесен финиш и евентуално изненадување против шампионот. Но, следуваше одговор Леброн Џејмс кој даде до знаење дека не е доискажан во мечот. Ги презеде работите во свои раце и со тројка на 42 секунди до крајот (14 тимска од 38 обиди) и го обезбеди триумфот на „кавалирси“ со 100:93.
Џејмс го заврши мечот со 19 поени и по осум скока и асистенции. Фрај, сепак, беше најефикасен во победничката екипа со 20 коша. Првиот стрелец во натпреварот го исфрлија „хорнетси“. Кемба Вокер постигна 21 кош што ги збогати и со 4 асистенции, меѓутоа одговор за „кралот“ не најде заедно со соиграчите.
Голден Стејт ја доби шутерската пресметка на Пацификот против Феникс. „Вориорси“ победија со 133:120 иако и тука противникот одолеваше на фаворитот до финишот на мечот. Му пресуди Клеј Томпсон со неколкуте „рафали“ во последната четвртина. Уфрли 30 поени, најмногу во сезоната, еден повеќе од Дурант, па, и покрај лошата игра во одбрана, успеаја да слават пред своите гледачи. За составот од Тексас ова е десетти пораз во низа во „Оракл арена“.
НБА лига
Кливленд – Шарлот 100:93
Л.А. Лејкерс – Минесота 99:125
Орландо – Охлахома 119:117
Феникс – Голден Стејт 120:133
Денвер – Портланд 105:112