Јирген Клоп не сфатил сериозно кога му кажале дека Барселона е елиминирана во четвртфиналето во Лигата на шампиони. Рома направи голем пресврт, триумфира со 3:0 на „Олимпико“ за анулирање на предноста од 1:4 што Каталонците ја имаа по првиот меч на „Камп Ноу“ и се проби во големата четворка во елитното натпреварување на УЕФА. Но, Германецот помислил дека се шегуваат со него по мечот на неговиот Ливерпул против Манчестер сити на „Етихад“.
„Кога ми кажаа дека Рома ја елиминира Барселона мислев дека луѓето се шегуваат со мене. Не затоа што немам почит кон Рома која има одличен тим туку не очекував иако сум свесен дека се е можно“, рече германскиот менаџер на „црвените“.
Тој потсети дека Рома минатото лето остана без Мохамед Салах кој заврши под негова команда на „Енфилд роуд“, но дека и натаму е силна екипа.
„Рома е полуфиналист. Тоа е факт и тоа е голема работа“, додаде Клоп.
Пласман во полуфиналето, покрај Рома, осигура и Ливерпул по победата и во реваншот над Сити на Гвардиола со 2:1. Останатите две екипи што ќе играат за финале во ЛШ ќе бидат познати вечерва по одигрување на возвратните мечеви на Реал Мадрид и Јувентус (прв меч 3:0) и Баерн Минхен против Севилја (2:1.