Коле Штеријев е нов претседател на Советот на јавни обвинители

Обвинителот Коле Штеријев на денешната седница на Советот на јавни обвинители е едногласно избран за претседател на Советот.

Неговиот избор следи откако претходниот претседател Петар Аневски во вторникот си поднесе оставка од оваа функција поради семејни и лични причини.

На денешната седница, сите  членови на Советот едногласно ја потврдија оставката на Аневски и  гласаа за Штеријев за нов претседател.

По изборот Штеријев вети поголема соработка со Специјалното јавно обвинителство, поголема транспарентност како и враќање на угледот на Советот.

Штеријев една година е член на Советот на јавни обвинители. Претходно бил дел од Вишото јавно обвинителство и Обвинителството за организиран криминал.