Почна протестот на Шарената револуција. Колоната демонстранти која „секој ден во шест“ се собира пред Специјалното обвинителство, во моментов се движи кон Владата. Учесниците се со транспаренти „Со оваа власт одиме во пропаст“, „Специјален суд за специјална мафија“, и фотографии на актуелниот министер за внатрешни Митко Чавков врз кои е напишано „Заменска Гоца“. Во првите редови демонстрантите ги носат и куклите во затворска облека кои се со лицата на Гордана Јанкуловска, Сашо Мијалков и Никола Груевски.
Демонстрантите на Шарената револуција се ан улица константно секој ден повешќе од еден месец, откако претседателот Иванов донесе одлука за колективна аболиција.
Тие бараат повлекување на одлуката за аболиција и оставка на претседателот Ѓорѓе Иванов, формирање на специјално одделение на Кривичниот суд за предметите на Специјалното јавно обвинителство, оставка на Владата предводена од ВМРО-ДПМНЕ и ДУИ, како и итно ослободување на притворените демонстранти. Дел од барањата се и вклучување на граѓанското општество во решавање на кризата и формирање на преодна влада.
Се до исполнување на овие барања, тие најавуваат дека нема повлекување од улица.