Комисијата за заразни болести денеска ќе одлучува за воведување на рестрикции во однос на заштита на границите против ширењето на делта сојот на коронавирусот. Во исто време, од денеска почнува и вакциницијата на вработените во основните и средни училишта во државата.
– Овој процес на имунизација на наставниот и ненаставен кадар вработен во образованието, како дел од критичната инфраструктура го спроведуваме за реализација на воспитно-образовниот процес со физичко присуство на учениците во учебната 2021/22 година, соопшти Министерството за здравство.
Оваа недела ќе започне закажувањето термини за вакцинација и на вработените во високообразовните институции.