Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Контролна соба: медиумската војска на пропагандата

31
By Сашка Цветковска on June 14, 2016 ВЕСТИ
СПОДЕЛИ
Facebook Twitter LinkedIn Email

https://www.youtube.com/watch?v=ikJL1X8hQXE

Кој стои во контролната соба зад медиумската машинерија на власта? Дали сите уредници во сите национални телевизии во се сетиле да прават анкета со граѓани за платите на специјалните јавни обвинители? Дали исто размислуваат или друг ги влече конците? Кој стои зад организираниот медиумски етички криминал. 

„Ако има „наредба“ да се сними анкета, тоа всушност не е анкета. Секогаш се тоа договорени „случајни минувачи“, кои ги испраќа партијата. А, понекогаш анкетираните по три-четири пати го повторуваат тоа што им е наложено да го кажат во анкетата“, вели новинар за НОВАТВ  кој работи во една од најголемите национални телевизии во своето снимено сведоштво за нас кое ќе го емитуваме анонимно за да го заштитиме, а кој на увид ни даде и СМС пораки, маилови и друг вид докази кои покажуваат дека централот за контрола е еден.

Анализата на МОДЕМ за известувањето на медиумите покажува дека само од 12 март до 8 април МТВ, Канал5, Сител и Алфа емитувале 371 позитивен прилог во кој центарот на вниманието бил Никола Груевски.

grafik gruevski

А како се редат вестите ? Кој одлучува каде по ред и по значење ќе се појават Груевски и кравите?  На секоја телевизија исто. Редот е ист, поентите, луѓето и зборите.

Во последната година ситуацијата е отидена дотаму што од ВМРО-ДПМНЕ до провладините медиуми испраќа тонски парчиња кои треба да се стават во прилогот. Па, така на пример еден прилог за лидерот Груевски трае дури и по 7 минути во вестите, во кој мора да се вметнат сите поенти кои тој ги кажал на прес конференција или на некој настан, вели новинарот за НОВАТВ.

 

Пропагандата не застанува зад розевиот параван.Еден од најопасните трендови и главен белег на медиумската машинерија се  оцрнувачките хајки против сите критичари на власта. Од новинари, до професори, лекари, студенти, опозиционери, припадници на невладиниот сектор. Во последно време, „модерни“ за нападите врз Специјалното јавно обвинителство. Еве како анализата на МОДЕД го илустрира известувањето за СЈО во медиумите:

grafik gruevski sjo

Поранешниот главен и одговорен уредник во весникот „Дневник“ Зоран Димитровски објаснува како се нарачувале вести додека тој работел таму.

Уредниците на смс добиваат такви пораки со редоследот на вестите кои треба да се емитуваат, има дури и воспоставена хиерархија што се однесуваа до белата пропаганда, ако станува збор за оние црни хајкашки материјали тие се јасни – се преземаат од курир, нетпрес, нив ги пишуваат главно првите две три пера или директно во шттабот под раководство на Мартин Протоѓер, вели Димитровски.

Оцрнувањата прво осамнуваат на порталите. Дел од нив креирани во офшор фирми со анонимни оф шор сопственици како Републиак и Нетпрес, други пак, во сопственост на роднини на министри како Курир и Денешен, а трети комплетно незнајни со странски домејни како поновиот „Журнал’. Потоа овие оцрнувачки текстови завршуваат цитирани на најгледаните телевизии во земјата, вклучително и на јавниот сервис.

Следењето на вестите покажа дека едни исти лица ги читаат сите текстови за предавници, платеници, непријатели. Секторот „хајки’ освен посебни уредници има и посебни репортери. Голем дел од нив од анонимните портали завршија во ударните термнини на националните вести.

Јулијана Кимовска Николовска не е позната, но тоа е гласот од прилозите на „Канал 5“ за платеници и предавници  на Шарената револуција или опозицијата или новинарите.  Таму дојде од порталот „Нетпрес“. Градимир Марковски и Бојана Димитриевска од „Вечер“ напредуваа во „Сител“, од  „Алфа“, а сега специјалните известувања им се доверени во ТВНОВА на бизнисменсот близок до власта „Сеад Кочан“. Ретко кој чул и за Ивана Атанасовска – од Курир прејде во Канал 5  – секторот е ист, гони непријатели на државата.

Погледнете ја емисијата ЈАВНО која отсега ќе се продуцира два пати месечно на НОВАТВ. Пилот епизодатта е насловена „Контролна соба“.

 

Оваа сторија е поддржана во рамки на проектот SouthEast Media Observatory поддржан од Европската унија. Содржината на проектот е одговорност на авторот и не ги отсликува ставовите на ЕУ. 

 

 

 

вести контрола медиуми портали пропаганда телевизии
Share. Facebook Twitter LinkedIn Email
ТИКЕР

Пукотници на универзитет во Пенсилванија: Една жртва и шест повредени

October 26, 2025

Двајца словенечки министри дадоа оставки по убиството во Ново Место

October 26, 2025

Косовското собрание не го избра Курти за премиер

October 26, 2025

Француската полиција уапсила двајца осомничени за грабежот во Лувр

October 26, 2025

Лидерите на Тајланд и Камбоџа потпишаа проширен договор за прекин на огнот во присуство на Трамп

October 26, 2025
ФОКУС

Трамп до Путин: Нема да губам време

ВЕСТИ October 26, 2025

 Американскиот претседател Доналд Трамп изјави дека нема да се сретне со рускиот претседател Владимир Путин…

Родителите на загинатите во „Пулс“: Каде беа институциите кога ни изгореа децата?

October 25, 2025

Католичките свештеници за помалку од пет години сексуално злоупотребиле 4.451 лица

October 24, 2025

Данела Арсовска: Советот на Град Скопје и Управниот одбор се одговорни за состојбата во „Комунална хигиена“

October 23, 2025
ТИКЕР

Пукотници на универзитет во Пенсилванија: Една жртва и шест повредени

October 26, 2025

Двајца словенечки министри дадоа оставки по убиството во Ново Место

October 26, 2025

Косовското собрание не го избра Курти за премиер

October 26, 2025

Француската полиција уапсила двајца осомничени за грабежот во Лувр

October 26, 2025

Лидерите на Тајланд и Камбоџа потпишаа проширен договор за прекин на огнот во присуство на Трамп

October 26, 2025
CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.