Ривер Плата е победник во годинашното издание на Копа Либертадорес. До четвртиот трофеј во јужноамериканската Лига на шампиони стигна по триумфот над Бока Јуниорс со 3:1 по продолженија (1:1 во основниот дел).
Во основниот дел на средбата погодија Прато во 68. минута за Ривер Плата и Бенедето во 44. минута за Бока Јуниорс. Победникот беше решен по пола час екстра фудбал во Мадрид. Кинтеро со прекрасен удар во 109. минута осигура водство за својата екипа со 2:1, Бока ја докрајчи Мартинез во 122. минута.
https://www.youtube.com/watch?v=bUSj8L4m23k
Бока јуниорс го заврши настапот во финалето со двајца фудбалери помалку. Бариос беше исклучен во втората минута од судиското екстра време на мечот, во продолженијата, поради повреда, мораше надвор и Фернандо Гаго.
Реваншот мечот во натпреварувањето се одигра на „Сантијаго Бернабеу“ поради навивачките немири во пресрет на дуелот на стадионот „Монументал“ во Буенос Аирес и нападот на навивачите на Ривер Плата врз автобусот на Бока Јуниорс.
Ова е последно финале во Копа Либертадорес со два меча. Од 2019 година финалистите ќе играат еден меч за трофејот на неутрален терен.