Published: Tuesday, April 2, 2024 09:34
Министерката за култура Бисера Костадиновска Стојчевска на својот фејсбук профил се огласи во однос на платата на културните работници, таа напиша:
„Синдикатот да не дезинформира туку да потврди дека културните работници за мартовската плата ќе добијат највисоко покачување до сега. Министерството за култура најостро се спротиставува на дезинформациите и создавањето паника од страна на Синдикатот на културата на Република Македонија кон вработените во културата. Има само една вистина и таа е дека во преамбулата од Решението испратено до вработените во културата стои член 14 од Општиот колективен договор и стекнатото право за повисока плата ќе се применува и за мартовската плата.“
„Остануваме како Влада посветени на соодветното вреднување на трудот на уметниците и на сите вработени во секторот култура“, додава таа.