„Одговорот за неотварањето на поглавјата е кај вас, почитуван господине Мицкоски. Вие бевте најсреќен кога вашите пратеници кажаа дека нема да поддржат европска иднина за Македонија, дури викате и нотарски изјави итн, тоа сите го гледавме на телевизија, и на крај викате сите ќе бидат затоа што издржале Македонија да не продолжи во европската интеграција,“ рече претседателот на СДСМ и носител на листа во ИЕ 1, Димитар Ковачевски на дуелот со Христијан Мицкоски, претседател на ВМРО-ДПМНЕ на Канал 5 Телевизија.
Претседателот Ковачевски посочи дека во Букурешт се случило токму истото што се случи во Брисел на последниот самит на ЕУ.
„Во Букурешт вашиот претходник немаше храброст, немаше лидерски капацитет да постигне одлука, да донесе одлука да им ја соопшти на македонските граѓани дека Македонија ќе постигне договор со Грција и ќе стане земја членка на НАТО, немаше храброст и не ја донесе. Исто сега како што вие немавте храброст да во Парламентот заедно ги изгласаме уставните измени и сега да бидеме земја членка која што не само што ќе ги отвореше сите поглавја веќе ќе имавме две поглавја затворено. Значи две поглавја ќе имавме отворено до сега. Ние сега ќе зборувавме дека сме затвориле две поглавја и дека работиме на затворање на други поглавја и за 4 години да ги завршиме преговорите. Ние сега уште разговараме што било тоа во 90-та година, што било тоа 92-ра и јас пак се враќам. Ние имаме многу јасен план како Македонија да стане членка на ЕУ како што стана на НАТО, од другата страна нема план. Значи не постои од другата страна, „има, ние ќе седиме ќе преговараме,“ тоа не е план, тоа не е никаков план,“рече Ковачевски.