Тројца починати, осум излекувани и 25 новозаболени лица е дневниот биланс на ковид-19 во земјата во последните 24 часа, информираат од Министерството за здравство (МЗ). На Клиниката за инфективни болести и фебрилни состојби почина пациентка од Куманово на 60 годишна возраст која била хоспитализирана на 27 април. Во ГОБ „8 септември“, пак, починаа пациент од Струга на возраст од 59 години кој бил примен на 16 мај и пациент од Скопје на возраст од 51 година кој бил хоспитализиран на 4 мај.
Министерството за здравство информира дека Институтот за јавно здравје (ИЈЗ) регистрира осум оздравени пациенти од кои седум во Скопје и еден во Прилеп.
Во изминатите 24 часа се направени 286 тестирања, пришто се регистрирани 25 нови случаи на ковид-19 и тоа во Скопје – 16, во Тетово – 4, во Струга – 1, во Велес – 2 и во Охрид – 2.
Вкупната бројка на ковид дијагностицирани лица во нашата земја од почетокот на епидемијата изнесува 1.817, бројката на оздравени пациенти е 1.301, на починати е 104, а бројот на активни случаи во земјата во моментот изнесува 412. Последната дистрибуција по градови е следна:
Скопје – 628, активни 152
Куманово – 416, активни 31
Дебар – 51, активни 0
Штип – 36, активни 2
Прилеп – 200, активни 63
Тетово – 147, активни 79
Струга – 70, активни 4
Велес – 121, активни 50
Битола – 27, активни 8
Охрид – 21, активни 6
Кавадарци – 5, активни 0
Гостивар – 19, активни 2
Гевгелија – 4, активни 0
Струмица – 2, активни 0
Крива Паланка – 6, активни 2
Радовиш – 4, активни 0
Крушево – 3, активни 0
Кочани – 31, активни 4
Пробиштип – 2, активни 0
Кичево – 2, активни 0
Неготино – 9, активни 5 (7 заболени лица од ПЕ Неготино се жители на Демир Капија)
Демир Хисар – 1, активни 0
Македонски Брод – 2, активни 0
Пехчево – 3, активни 1
Делчево – 1, активни 0
Валандово – 1, активни 1
Виница – 2, активни 0
Кратово – 2, активни 1
Берово – 1, активни 1
Направените 286 теста се преку ИЈЗ – 165, преку Клиниката „Филип Втори“ (Жан Митрев) – 3, преку „Систина“ со PCR метода -18 и преку МАНУ – 100. Досега во земјата се направени вкупно 21.722 тестирања на ковид-19.
Од вкупниот број на направени тестови во изминатото деноноќие, 124 се направени во рамките на скринингот во градинките и сите се негативни.
На Клиниката за инфективни болести и фебрилни во изминатите 24 часа се примени двајца нови пациенти, хоспитализирани се вкупно 48 пациенти. На механичка вентилација се две лице, 23 се потешко болни и на кислородна поддршка.
Во ГОБ „8 септември“ се примени седум нови, а вкупно се хоспитализирани 20 пациенти. На респиратор се шест пациенти, со потешка клиничка слика се уште двајца.
Во болницата во Битола се хоспитализирани седум лица со ковид-19, на домашно лекување се следат уште двајца пациенти. Во болницата во Штип се хоспитализирани четворица пациенти, нема пациенти кои се следат на домашно лекување. На инфективните одделенија во Тетово, во Велес, во Куманово, во Охрид и во Прилеп се хоспитализирани 47 пациенти, позитивни и сомнителни на ковид-19.