Во последните биланси за бројот на новозаразени, но и за оние со смртен епилог, од Ковид-19, во земјава но и во регионот па и светот, зачестена појава стануваат бројките, на млади луѓе. Во последниот 24-часовен преглед заклучно со вчера, за жал бевме сведоци на информацијата дека меѓу 41 починати, тројца се од младата генерација на возраст од 18, 23 и 31 година.
Заеднички именител за тројцата е – не биле вакцинирани.
18 –годишната пациентка, според податоците во системот, немала хронични заболувања. Била донесена во тешка состојба со голема тахикардија. Напорите на лекарите да и го спасат животот, биле безуспешни.
23 годишниот пациент било лице со церебрална парализа и со останати хронични заболувања.
Со невролошко заболување бил триесет и едно годишникот , кој исто така битката со Ковид-19 ја завршил фатално.
Оваа информација треба да делува поучно врз младите, зашто смртен епилог Ковид-19 има и кај лица без хронични заболувања. Министерот за здравство Филипче во гостување на Сител ТВ, вчера изјави дека 90% од смртноста во последниот период кај лица заразени од корона е кај невакцинираните, а дека над 87% од инфектот кај новодијагностицираните е присутен кај лица кои не биле вакцинирани.
Колку за споредба, ваквиот тренд е присутен и во Србија. Појавата на влошување на епидемиолошката ситуација во Србија се шири во се повеќе региони кои се обележуваат со црвено.Меѓу заболените се повеќе се млади луѓе и деца, предупредуваат лекарите.
Најмладиот пациент во Клиничкиот центар во Крагуевац, било бебе родено пред девет дена, кај чија мајка е потврдено присуство на коронавирусот.
Вирусологот Ана Банко за РТС го изнела мислењето дека недоволниот опфат со вакцинација, еволуцијата на вирусот и стилот на живот биле клучни фактори зошто во Србија имало повторно пораст на заболените од Ковид-19.