Министерството за здравство (МЗ) денеска соопшти дека на Клиниката за инфективни болести и фебрилни состојби во Скопје починаа две пациентки од Куманово и од Крушево на возраст од 85 година, односно 77 години. Во денешната евиденцијата на Институтот за Јавно Зздравје (ИЈЗ) е регистриран и еден починат пациент од струшкото село Лабуништа, кој имал хируршка интервенција во болницата „Филип Втори“, а бил ковид позитивен. Смртта настапила пред три дена за што неговиот матичен лекар денеска го информирал ИЈЗ.
Како што се наведува во соопштението, денеска се регистрирани вкупно 18 оздравени пациенти. Од Клиниката за инфективни болести и фебрилни состојби се испишани 11 лица, две од болницата во Дебар, а регистрирани се и пет оздравени пациенти (двајца од Кочани и тројца од Скопје) кои се лекувале во домашни услови по два негативно контролни теста на коронавирусот.
Во изминатите 24 часа се потврдени 36 нови случаи на ковид-19 во земјава. По градови најмногу во Скопје – 22, следат Куманово – 4, Прилеп – 3, Струга – 3, Велес – 3, Битола – 1. Со новозаболените вкупната бројка на дијагностицирани пациенти со Ковид-19 во нашата земја изнесува 1.117.
Според местото на живеење, досега се регистрирани случаи во: Скопје – 389, Куманово – 310, Дебар – 51, Штип – 32, Прилеп – 103, Тетово – 48, Струга – 53, Велес – 43, Битола – 16, Охрид – 7, Кавадарци – 4, Гостивар – 12, Гевгелија – 4, Струмица – 2, Крива Паланка – 4, Радовиш – 4, Крушево – 3, Кочани – 26 и по два во Пробиштип, во Кичево и во Неготино.
Во изминатото деноноќие направени се 437 теста. Преку ИЈЗ – 230, преку Ветеринарен факултет – 20, „Авицена“ – 22, „Биотек“ – 35 и „Филип Втори“ (Жан Митрев) – 130. Досега во земјата се направени вкупно 10.859 тестови на ковид-19.
На Инфективната клиника во Скопје примени се пет нови пациенти и вкупната бројка на хоспитализирани во моментот изнесува 54. Од нив 18 добиваат кислородна поддршка, а пет пациенти се поставени на механичка вентилација.
Во ГОБ „8 септември“ примени се седум нови пациенти, од нив еден веднаш е ставен на респиратор. Хоспитализирани се 37 пациенти од кои 10 со потешка клиничка слика, а на респираторна машина се приклучени вкупно седум пациенти.
Во болницата во Битола се лекуваат осум пациенти кои се позитивни на ковид-19 од кои три лица се повремено на кислородна поддршка, останатите се стабилни. Примени се две лица, со симптоми на вирусот на кои им е земен брис и тие се сместени во изолација. На домашно лекување се следат 13 пациенти. Прв контролен брис е земен од седум пациенти, два хоспитализирани и пет кои се лекуваат во домашни услови.
Во штипската болница се хоспитализирани осум, а на домашно лекување се следат уште 19 пациенти, стои во соопштението од МЗ.