Published: Sunday, August 9, 2020 17:10
Четворица починати пациенти, 85 нови и 45 оздравени е ковид билансот во земјата за последните 24 часа, соопштија од Министерството за здравство (МЗ). Во изминатото деноноќие се направени 1.188 тестирања кои покажале позитивни резултати кај 32 лица во Скопје, по девет во Куманово и во Штип, по седум во Гостивар и во Кичево, шест во Кавадарци, четири во Битола, три во Дебар, две во Велес и по едно лице во Прилеп, во Тетово, во Струмица, во Кочани, во Демир Хисар и во Виница.
Институтот за јавно здравје (ИЈЗ) денеска регистрира 45 оздравени пациенти и тоа од Скопје – 1, од Тетово – 13, од Велес – 2, од Битола – 3, од Демир Хисар – 2, од Делчево – 1, од Свети Николе – 13 и од Кичево – 7.
Починати се четворица пациенти – двајца од Скопје на возраст од 72 години, односно 84 години и по еден од Дебар (возраст 62 години) и од Штип (возраст 66 години).
Вкупната бројка на ковид дијагностицирани лица во нашата земја од почетокот на епидемијата изнесува 11.839, бројката на оздравени пациенти е 7.664, на починати е 527, а бројот на активни случаи во земјата во моментот изнесува 3.648. Дистрибуцијата по градови е следна:
Скопје – 5.149, активни 1.335
Куманово – 1.148, активни 276
Дебар – 219, активни 127
Штип – 953, активни 400
Прилеп – 345, активни 49
Тетово – 1.088, активни 190
Струга – 478, активни 195
Велес – 234, активни 23
Битола – 165, активни 72
Охрид – 297, активни 89
Кавадарци – 110, активни 88
Гостивар – 562, активни 326
Гевгелија – 24, активни 13 (*7 лица од ПЕ Гевгелија се жители на Дојран, 3 на Богданци)
Струмица – 41, активни 25
Крива Паланка – 26, активни 12
Радовиш – 33, активни 10
Крушево – 16, активни 7
Кочани – 112, активни 24
Пробиштип – 63, активни 21
Демир Хисар – 43, активни 30
Македонски Брод – 51, активни 40
Пехчево – 6, активни 0
Берово – 8, активни 4
Валандово – 7, активни 1
Виница – 30, активни 26
Делчево – 5, активни 3 (*4 лица од ПЕ Делчево се од Македонска Каменица)
Кратово – 14, активни 4
Свети Николе – 239, активни 114
Кичево – 196, активни 116
Ресен – 146, активни 17
Неготино – 31, активни 11 (*10 лица од ПЕ Неготино се жители на Демир Капија)
Направените 1.188 теста се преку ИЈЗ – 696, преку ЦЈЗ Скопје – 17, преку „Авицена“ – 145, преку „Биотек“ – 88, преку Клиниката „Жан Митрев“ (Филип Втори) – 6, преку „Систина“ со PCR метода – 155, преку ЦЈЗ Битола – 67, преку Инфективна клиника – 6 и преку ГАК – 8. Досега во земјата се направени вкупно 114.807 тестирања на Ковид-19.
На Инфективната клиника во изминативе 24 часа се примени тројца нови пациенти, а вкупно се хоспитализирани 79 од кои 41 добиваат кислородна поддршка се 41 пациент и моментно ниту еден не е на механичка вентилација.
Во болницата во Козле се хоспитализирани 15 возрасни пациенти позитивни на Ковид-19, четири деца позитивни и пет суспектни пациенти на вирусот.
Во ГОБ „8 септември“ се примени пет нови пациенти, вкупно се хоспитализирани 76 пациенти од кои шест се приклучени на респираторна машина.
Во болницата во Битола се хоспитализирани 28 пациенти, а во болницата во Штип – 50. На инфективните одделенија во Тетово, во Охрид, во Велес, во Куманово, во Прилеп, во Гостивар, во Струмица и во Струга се хоспитализирани 123 пациенти, позитивни и сомнителни на Ковид-19.