Нови 37 заразени лица и 11 излекувани се регистрирани во Институтот за јавно здравје (ИЈЗ) за изминатото деноноќие, соопштуваат од Министерството за здравство (МЗ).
Во последните 24 часа, според МЗ, се направени 508 тестирања при што се забележани 37 позитивни материјали кај 12 лица во Скопје, осум во Куманово, седум во Тетово, четири во Струга и по двајца во Охрид, во Штип и во Прилеп. Покрај тоа се евидентирани и 11 излекувани лица од кои седум во Прилеп и по двајца во Скопје и во Велес. Според МЗ, во изминатото деноноќие не е регистриран смртен случај како последица на ковид-19.
Вкупната бројка на ковид-19 дијагностицирани лица во земјава од почетокот на епидемијата, како што се посочува во дневниот извештај, изнесува 1.978, бројката на оздравени пациенти е 1.422, на починати е 113, а бројот на активни случаи во земјата во моментот е 443. Последната дистрибуција по градови е следна:
Скопје – 713, активни 199
Куманово – 433, активни 34
Дебар – 51
Штип – 40, активни 5
Прилеп – 210, активни 48
Тетово – 172, активни 77
Струга – 75, активни 8
Велес – 127, активни 43
Битола – 28, активни 7
Охрид – 23, активни 8
Кавадарци – 5
Гостивар – 21, активни 4
Гевгелија – 4
Струмица – 3, активни 1
Крива Паланка – 6, активни 1
Радовиш – 4
Крушево – 3
Кочани – 31
Пробиштип – 2
Кичево 2
Неготино – 10, активни 3 (7 заболени лица од ПЕ Неготино се жители на Демир Капија)
Демир Хисар – 1
Македонски Брод – 2
Пехчево – 3, активни 1
Делчево – 1
Валандово – 1
Виница – 3, активни 1
Кратово – 2, активни 1
Берово – 1, активни 1
Свети Николе – 1, активни 1
Направени се 508 теста и тоа преку ИЈЗ – 266, преку Ветеринарен факултет – 21, преку „Авицена“ – 24, преку „Биотек“ – 44, преку Клиниката „Жан Митрев“ – 5, преку „Систина“ со PCR метода – 31 и преку МАНУ – 117. Досега во земјата се направени вкупно 25.270 тестирања на ковид-19.
Од вкупниот број на направени тестови во изминатото деноноќие, 188 се дел на скринингот. Тестирањата се направени преку Центрите за јавно здравје во Велес, во Кочани, во Куманово и во Скопје во градинки и во геронтолошки установи. Денеска со скринингот е потврден еден позитивен случај кај вработен во Геронтолошка установа во Скопје. Досега со скринингот направени се 2.248 тестирања на ковид-19, а регистрирани се вкупно три позитивни случаи на ковид-19.
На Клиниката за инфективни болести и фебрилни состојби во изминативе 24 часа се примени четворица нови пациенти, а хоспитализирани се вкупно 58 пациенти. На кислородна поддршка се 24, на механичка вентилација се двајца пациенти.
Во ГОБ „8 септември“ се примени пет нови пациенти, а хоспитализирани се вкупно 18 пациенти. На респиратор се пет пациенти, a со потешка клиничка слика се уште четворица пациенти.
Во болницата во Битола се хоспитализирани тројца пациенти, еден пациент во тешка состојба е пратен на Инфективната клиника во Скопје, додека на домашно лекување се следат уште четворица пациенти. Во болницата во Штип се хоспитализирани пет пациенти, нема пациенти кои се следат на домашно лекување. На инфективните одделенија во Тетово, во Велес, во Куманово, во Прилеп и во Охрид се хоспитализирани 42 пациенти, позитивни и сомнителни на ковид-19.