Нови 16 заболени лица, 14 излекувани и тројца починати е билансот за ковид-19 во земјава за последните 24 часа, истакнуваат од Министерството за здравство (МЗ).

Институтот за јавно здравје (ИЈЗ) денеска регистрира 14 оздравени пациенти во Скопје – 3 и во Тетово – 11 и 16 нови случаи на коронавирус и тоа во Скопје – 9, во Штип – 5, во Струга – 1 и во Гостивар – 1.

На Клиниката за инфективни болести и фебрилни состојби, како што соопштуваат од МЗ, почина пациентка од Велес на 78 годишна возраст, која била хоспитализирана на 14 мај. Во ГОБ „8 септември“ почина пациент од Тетово на возраст од 84 години, кој бил примен на 20 мај и 76 годишна пациентка од Скопје примена на 19 мај.

Во последните 24 часа се направени 314 тестирања со што вкупната бројка на ковид дијагностицирани лица во нашата земја од почетокот на епидемијата изнесува 2.014, бројката на оздравени пациенти е 1.453, на починати е 116, а бројот на активни случаи во земјата во моментот изнесува 445. Последната дистрибуција по градови е следна:

Скопје – 733, активни 208
Куманово – 436, активни 35
Дебар – 51, активни 0
Штип – 46, активни 11
Прилеп – 210, активни 46
Тетово – 177, активни 70
Струга – 76, активни 9
Велес – 127, активни 40
Битола – 28, активни 7
Охрид – 23, активни 8
Кавадарци – 5, активни 0
Гостивар – 22, активни 4
Гевгелија – 4, активни 0
Струмица – 3, активни 1
Крива Паланка – 6, активни 0
Радовиш – 4, активни 0
Крушево – 3, активни 0
Кочани – 31, активни 0
Пробиштип – 2, активни 0
Кичево – 2, активни 0
Неготино – 10, активни 3 (7 заболени лица од ПЕ Неготино се жители на Демир Капија)
Демир Хисар – 1, активни 0
Македонски Брод – 2, активни 0
Пехчево – 3, активни 0
Делчево – 1, активни 0
Валандово – 1, активни 0
Виница – 3, активни 1
Кратово – 2, активни 1
Берово – 1, активни 0
Свети Николе – 1, активни 1

Направените 314 теста се преку ИЈЗ – 292, преку Клиниката „Филип Втори“ (Жан Митрев) – 9, преку „Систина“ со PCR метода – 13 и преку МАНУ – 0. Досега во земјата се направени вкупно 25.841 тестирања на ковид-19.

Од вкупниот број направени тестови во изминатото деноноќие, 169 се дели од скринингот. Тестирањата се направени преку Центрите за јавно здравје во Велес, во Кочани, во Куманово и во Скопје во градинки и геронтолошки установи и не се регистрирани позитивни случаи на ковид-19.

На Клиниката за инфективни болести и фебрилни состојби во изминативе 24 часа се примени тројца нови пациенти, а хоспитализирани се вкупно 56 пациенти. На кислородна поддршка се 25, на механичка вентилација се три лица.

Во ГОБ „8 септември“ примени се пет нови пациенти, а вкупно се хоспитализирани 22 пациента. На респиратор се седум, a со потешка клиничка слика се уште пет пациенти.

Во болницата во Битола се хоспитализирани четворица пациенти, а на домашно лекување се следат уште четворица пациенти. Во болницата во Штип се хоспитализирани пет пациенти, на домашно лекување се следи еден пациент. На инфективните одделенија во Велес, во Куманово, во Прилеп и во Охрид се хоспитализирани вкупно 41 пациент, позитивни и сомнителни на ковид-19.