Published: Thursday, May 28, 2020 13:34
Нови 38 заболени лица, 16 излекувани и тројца починати е ковид биланс во земјата за изминатите 24 часа соопштуваат од Министерството за здравство (МЗ).
Во изминатото деноноќие се направени 560 тестирања, при што вирусот е детектиран кај 24 лица во Скопје, по четири во Куманово и во Штип, кај тројца во Тетово, кај двајца во Неготино и кај еден во Битола. Од МЗ информираат дека Институтот за јавно здравје (ИЈЗ) денеска регистрира 16 оздравени пациенти и тоа во Скопје – 1, во Куманово – 1, во Прилеп – 4, во Велес – 9 и во Битола – 1.
На Клиниката за инфективни болести и фебрилни состојби почина 74 годишен пациент од Тетово, лекуван на клиниката од 21 мај, додека во ГОБ „8 септември“ почина негов сограѓан на возраст од 57 години кој бил хоспитализиран на 23 мај. Од болницата „Ремедика“ на анализа во ИЈЗ пристигна постмортем брис на 53 годишен пациент од Скопје и истиот е позитивен на ковид-19.
Со ова, вкупната бројка на ковид дијагностицирани лица во нашата земја од почетокот на епидемијата изнесува 2.077, бројката на оздравени пациенти е 1.486, на починати е 122, а бројот на активни случаи во земјата во моментот изнесува 469. Последната дистрибуција по градови е следна:
Скопје – 771, активни 232
Куманово – 442, активни 36
Дебар – 51, активни 0
Штип – 54, активни 19
Прилеп – 211, активни 43
Тетово – 182, активни 71
Струга – 77, активни 9
Велес – 128, активни 31
Битола – 29, активни 7
Охрид – 23, активни 8
Кавадарци – 5, активни 0
Гостивар – 22, активни 4
Гевгелија – 4, активни 0
Струмица – 3, активни 1
Крива Паланка – 6, активни 0
Радовиш – 4, активни 0
Крушево – 3, активни 0
Кочани – 31, активни 0
Пробиштип – 2, активни 0
Кичево – 2, активни 0
Неготино – 12, активни 5 (7 заболени лица од ПЕ Неготино се жители на Демир Капија)
Демир Хисар – 1, активни 0
Македонски Брод – 2, активни 0
Пехчево – 3, активни 0
Делчево – 1, активни 0
Валандово – 1, активни 0
Виница – 3, активни 1
Кратово – 2, активни 1
Берово – 1, активни 0
Свети Николе – 1, активни 1
Направените 560 теста се преку ИЈЗ – 226, прекуи Ветеринарен факултет – 29, преку „Авицена“ – 18, преку „Биотек“ – 73, преку Клиниката „Филип Втори“ (Жан Митрев) – 43, преку „Систина“ со PCR метода – 60 и преку МАНУ – 111. Досега во земјата се направени вкупно 27.023 тестирања на ковид-19.
Од вкупниот број на направени тестови во изминатото деноноќие, 168 се дел од скринингот во градинки и во геронтолошки установи. Тестирањата се направени преку Центрите за јавно здравје Куманово и Скопје и не се регистрирани позитивни случаи на ковид-19.
На Клиниката за инфективни болести и фебрилни состојби во изминативе 24 часа се примени тројца пациенти, а хоспитализирани се вкупно 47 пациенти. На кислородна поддршка се 20, на механичка вентилација е еден пациент.
Во ГОБ „8 септември“ се примени девет нови лица инфоцорани со ковид-19, а вкупно се хоспитализирани 29 пациенти. На респиратор се шест, a со потешка клиничка слика се уште седум пациенти.
Во болницата во Битола се хоспитализирани пет пациенти, а на домашно лекување се следат уште три лица. Во болницата во Штип се хоспитализирани девет ковид пациенти, а на домашно лекување се следат уште седум пациенти. На инфективните одделенија во Велес, во Куманово, во Прилеп и во Охрид се хоспитализирани вкупно 38 пациенти, позитивни и сомнителни на ковид-19.