Бакингемската палата соопшти дека кралицата Елизабета Втора ноќта меѓу средата и четвртокот ја поминала во болница поради превентивни испитувања.

Според  советите на лекарите кралицата требало да одмори неколку дена, а таа се вратила дома во четвртокот за време на ручекот, соопшти Бакингемската палата.

Портпаролот на  палатата рече дека таа е во добро расположение , пренесува Ројтерс.

Би-Би-Си јави дека кралицата ја прегледале специјалистите од приватната клиника Крал Едвард VII  во центарот на Лондон, а причина не е корона вирусот.

Кралицата Елизабета Втора отиде во болница откако ја откажа посетата на Северна Ирска.

Советот од лекарите, да одмори неколку дена, кралицата го добила по густиот распоред на активности, поради што таа не била баш најсреќна, пишува Индипендент.