Кристијано Роналдо верува дека во неговите нозе има уште добри десетина години фудбал, иако веќе ја „гази“ четвртата деценија.
„Животот не е само фудбал. Иако тоа е моја најголема страст, морам да почнам да мислам на иднината. Не ми остана уште многу години за кариерата, можеби околу 10, затоа размислувам за иднината“, рече 31 годишниот Роналдо на отворањето на неговиот хотел во Лисабон „ Pestana CR7″.
Роналдо сениорската кариера ја започна во 2002 година во Спортинг, а веќе во 2003 година потпиша за Манчестер јунајтед каде во текот на извонредните шест години на 291 натпревар постигна 118 голови.
После тоа дојде во Реал каде го потврди статусот на еден од најдобрите играчи во историјата на фудбалот – на 354 натпревари постигна 367 голови, а зад себе има четири титули во Премиер лигата, едно шпанско првенство, дури три во Лига на шампиони, а оваа година стогна и до трофеј првак на Европа со Португалија.
Инаку, познат е како еден од наголемите работници во модерниот фудбал, па и покрај статусот на апсолутна звезда и епитетот на препотентен играч, еден е од оние за кои сите велат дека прв доаѓа на тренинг, а последен си заминува.