Кривичниот совет во Скопска единица ја прифатил жалбата на СЈО за претресот во домот на поранешниот началник на Петтата управа, Горан Грујевски. Жалбата Јанева ја поднесе откако судијата на претходна постапка, Александра Поп Стефанија, оцени дека претресот бил незаконски бидејќи Грујевски во тој момент беше во притвор во Шуто Оризари.
Одлуката на Поп Стефанија Кривичниот суд ја отфрлил и утврдил дека нема ништо спорно во претресот на неговиот дом. СЈО претресот го реализираше за истрагата тврдина каде тој е осомничен за уништување на два система на тајната полиција, од кои преку еден било вршено нелегалното снимање телефонски разговори. СЈО обезбедило докази со претресот кои ќе ја помогнат истрагата кои ќе може да се користат во понатамошната постапка.
Според СЈО, сега не постои никаква пречка доказите прибавени од претресот кај Грујевски да бидат употребени во постапката.
Горан Грујевски е осомничен во предметот „Тврдина“ за уништување на системите за прислушуање и во предметот „Тврдина 2“, каде тој е обвинет за фалсификување на службена исправа, односно документи со кои било прикриено уништувањето на системите за следење на комуникациите.
Следното рочиште за овој предмет е закажано за на 13 март.