Работниците во Венецуела во наредните две недели ќе работат само два дена – понеделник и вторник за да се заштеди на потрошувачката на струја, најави претседател Николас Мадуро.
Администрацијата на Мадуро смета дека сушата ја предизвикува пацифичкиот климатски феномен Ел Нињо, а според експертите кризата ќе предизвика и недостаток на инвестиции во инфраструктурата, како и евентуална корупција и злоупотреба на средствата.
Ова е последна од низата мерки за штедење кои венецуелските власти ги воведоа откако се појави сушата, а поради која опадна водостојот и со тоа хидроелектраната која е заслужна за дури 65% од електричната енергија функционира далеку со послаб капацитет.
Досега Венецуела воведе повеќе рестрикции, како скратено работно време и привремено исклучување на струјата и водата, воведување продолжен викенд и нови државни празници, но сушата сепак зазема поголеми размери од очекуваното, поради што администрацијата на Мадуро се одлучила на оваа најрадикална мерка – да се работи само два дена.