Љубителите на астрономијата утрово околу 3.50 часот имаа можност да уживаат во спектакуларната глетка што ја приреди феноменот таканаречена „крвава“ Месечина.
Феноменот е како резултат на тоа што неколку минути нашата планета беше позиционирана директно помеѓу Сонцето и Месечината. Во тоа време Месечината целосно падна во сенка на Земјата – привремено претворајќи ја во мрачна нијанса на темно црвена боја.
Темноцрвената нијанса е создадена од сончевата светлина што се проектира низ атмосферата на Земјата на засенчената површина на Месечината. Оваа појава е позната и како супер Месечина, бидејќи Месечината е на најблиската точка до Земјата во својата орбита и така изгледа поголема од вообичаено.
Настанот беше видлив на западната хемисфера. Речиси еден и пол час потоа, единствената сончева светлина што стигна до Месечината минуваше низ Земјината атмосфера претворајќи ја во црвена боја.
Во Европа, феноменот беше видлив кратко време бидејќи Месечината почна да заоѓа. Но, во Америка од областите под ведро небо можеше да се види целосниот спектакл. Изгледаше како наеднаш се случи изгрејсонце и зајдисонце.