Фудбалските репрезентации на Мадагаскар и на Алжир се пласираа во четврт-финале на Купот на африкански нации (КАН) во Египет.
Мадагаскар на пенали го елиминира Конго по нерешените 2:2 по 120 минути игра и продолжи да го живее својот фудбалски сон. Обете селекции постигнаа по еден гол во полувреме за мрежите да мируваат во дополнителниот пола час игра. Во ударите од белата точка поприсебни беа фудбалерите од Мадагаскар со 4:2.
Алжир на рутина ја совлада Гвинеја со 3:0. Белаили во 24. минута, Марез во 57. минута и Уна во 82. минута беа стрелци за популарните „пустински лисици“.
Осминафиналната фаза на КАН ќе биде заокружена со дуелите Мали – Брегот на Слоновата Коска (понеделник, 18 ч.) и Гана – Тунис (понеделник, 21 ч.).
Куп на африкански нации 2019
Осминафинале
Мадагаскар – Конго 2:2 (на пенали 4:2)
Алжир – Гвинеја 3:0
Нигерија – Камерун 3:2
Египет – Јужна Африка 0:1
Уганда – Сенегал 0:1
Мароко – Бенин 1:1 (на пенали 1:4)
Двојки за четврт-финале
Сенегал – Бенин
Нигерија – Јужна Африка
Мадагаскар – Гана/Тунис
Алжир – Мали/Брегот на Слоновата Коска