Чезаре Прандели поднесе оставка на кормилото на Валенсија. Ваквата одлука на италијанскиот тренер доаѓа по само три месеци од преземање на клубот од „Месталја“ и последица е на лошите резултати во Примера во оваа сезона. Во досегашните 15 кола забележа само три победи и со 12 бода колку што има и Спортинг Хихон се наоѓа во зоната за испаѓање.
Поранешниот селектор на „азурите“ седна на клупата на Валенсија во октомври. Во дебитантскиот настап го совлада Спотинг Хихон со 2:1 по што следуваа три реми и четири порази. До именување на наследникот на Прандели, работата со првиот тим му е доверена на Салвадор Гонзалес кој веќе ја извршуваше функцијата на почеток на сезоната.
Валенсија во 2004 година ја освои последната шампионска титула во Шпанија. Од тогаш на врвот во Примера се менуваат Реал Мадрид, Барселона и Атлетико Мадрид.