Валтери Ботас ќе тргне од пол-позиција во утрешната трка за ГН на Шпанија. Финскиот пилот на Мекларен беше најбрз во квалификаците на патеката Каталуња крај Барселона и по третпат едноподруго ќе поведе старт во Формула 1 шампионатот во оваа сезона. Заедно со него, во првиот ред ќе биде клупскиот колега, Луис Хамилтон.
Трето време во официјалната квалификациска сесија забележа Себастијан Фетел од Ферари, а за четвртото место се избори Макс Ферстапен од Ред Бул. Од петтата до десеттата позиција ќе бидат Шарл Леклер, Пјер Гасли, Роман Грожан, Кевин Магнусен, Данил Квјат и Даниел Рикардо.
Трката за ГН на Шпанија е утре попладне (недела) со почеток во 15.10 часот. Лидер во генералниот пласман кај возачите е Валтери Ботас со 87 бода, Луис Хамилтон е втор со 86, Себастијан Фетел е трет со 52 бода.