Ла Риоха ќе му прави друштво на Монпелје од групата Ц во осминафиналето во ракометната Лига на шампиони. Шпанскиот состав во Логроњо го совлада вицепрвакот на Македонија со 31:25 и на коло до крајот на групната фаза го осигура второто место на табелата. Фернандез Перез го торпедира голот на металурзи со вкупно 10 гола, Илиќ со седум и Обрадовиќ со шест беа први први стрелци во екипата на Лино Червар.
Металург беше во резултатски егал во две третини од средбата. До 41-та минута имаше 19:19, но брзоплетоста при игра „седум на шест“ во напад и без голман во последните 20 минути доведоа до лесни голови за домашната екипа. Ла Риоха направи серија од 6:0 за 25:19 што успеа да ја одржи до последниот звук на сирената.
Металург во последното коло, на 12 февруари, ќе игра на домашен терен против Чеховски Медведи.