Либерално-демократската партија преку соопштение реагирани оти расипничка е намерата на власта во заминување да гради рајски парк во општина Аеродром со парите на државната компанија ЕЛЕМ, за неверојатни 15 милиони евра.
„Во услови кога државата е во тешка политичка, економска и општествена криза, само и единствено по вина на криминогената врхушка на власт, неприфатливо е да се трошат милионски суми на паркови, вештачки езера, на мајмуни и пауни..
Дали ЕЛЕМ ги прашал граѓаните што им треба или едноставно, мора да ги почитува директивите на режимот и фамилијата за продолжување на проектот „Скопје 2014“?
Со чии пари се расфрлаат ЕЛЕМ кога пелагонискиот регион, каде се лоцирани термоелектарните, се соочува со поразителни статистики за најзагаден воздух во државата и за енормен пораст на заболени од малигни болести на сите возрасти.“ се вели во соопштението на ЛДП.
Споед ЛДП, години наназад, од кога ВМРО-ДПМНЕ е на власт, Електарани на Македонија само ја замајуваат јавноста дека ќе градат топловод за граѓаните на Пелагонија и ништо од тоа.
„Во исто време, оваа крајно забегана идеја на власта го отвора и најчувствителното прашање, дали ВМРО-ДПМНЕ и Никола Греувски сакаат да ја обезвредната ЕЛЕМ и потоа за „џабл’к“ да ја купат и повторно да профитираат на грбот на граѓаните, кои секој месец плаќаат се поскапа струја? Ваквото сценарио на граѓаните им е веќе познато по раскрчмувањето на „Топлификација АД Скопје“.
Апелираме да запре потрагата по изведувач на паркот, а проектот да се стопира. Ако ЕЛЕМ има пари за расфрлање и ако сака вистински да придонесе, тогаш компанијата да вложи во обновливите извори на енергија и да инвестира намалувањето на загадувањето од оџаците на трите термоелектрани во Битола.“ се вели во соопштението.