Поголемиот процент од починатите се повозрасни со хронични болести. Ние од оваа болест видовме помлади починати лица и претходно и тоа е навистина една страшна клиничка слика, со страшни оштетувања на белите дробови коишто најверојатно потекнуваат од тромбози на ниво на најмалите крвни садови на белите дробови, што е во клиничката слика на оваа болест, рече Филипче
Бројките за ефикасност трета недела по ред ја потврдуваат ефикасноста на вакцината како оружје против ковид-19. Болниците се, за жал, полни со невакцинирани пациенти кои претставуваат 90 отсто од сите хоспитализирани. За жал, исто така имаме сѐ поголем број на млади пациенти со тешка клиничка слика бидејќи сега вирусот се шири кај нив. Затоа тие мора да се свесни дека никој не е заштитен и што побрзо да се вакцинираат – порача денеска министерот за здравство, Венко Филипче.
За смртноста кај помладите лица од ковид-19, но и за големата смртност од коронавирусот кај пациентите во нашата земја, министерот за здравство, Венко Филипче, денеска изјави дека е сложен процесот на лекување на заболените од ковид-19, дека младите имаат повеќе контакти, а делта сојот полесно се пренесува.
– Тие конкретни случаи во однос на помладите починати, на 28 август еден пациент на 24 години на своја одговорност ја напушти болницата во Ресен и, за жал, почина. Тоа се невакцинирани лица. Поголемиот процент од починатите се повозрасни со хронични болести. Ние од оваа болест видовме помлади починати лица и претходно и тоа е навистина една страшна клиничка слика, со страшни оштетувања на белите дробови коишто најверојатно потекнуваат од тромбози на ниво на најмалите крвни садови на белите дробови, што е во клиничката слика на оваа болест, рече Филипче.
Тој нагласи дека матичните лекари работат согласно своето знаење и експертиза, согласно проценката на пациентите дали треба да се упатат на боличко лекување или не. Болничкото лекување, вели Филипче, му е достапно на секого, во кој било временски период.