Викторија Плзен со пресврт во второто полувреме го совлада Динамо Загреб со 2:1 во првиот меч од шеснаесетфиналето во Лига Европа. Двоен стрелец за чешкиот тим беше Лудек Перница во 54. минута и во 83. минута, голот за „модрите“ беше дело на Шпанецот Дани Олмо во 41. минута. Македонскиот репрезентативец Аријан Адеми ги одигра сите 90 минути за хрватскиот состав кој место во наредната фаза ќе брка во реваншот на „Максимир“ на 21 февруари.
Пораз, но како домаќин, претрпе и Спортинг Лисабон на Стефан Ристовски. Со големи 1:0 од Португалија замина Вилјареал. Стрелец на единствениот погодок на стадионот „Хозе Алваладе“ беше Алфонсо во третата минута. Ристовски го почна мечот од клупата и во игра влезе во 28. на место на повредениот Бруно Гаспар.
Наполи ја оправда фаворитската улога против Цирих и славеше на гостувањето во Швајцарија со 3:1 како и Челзи против Малме во Шведска со 2:1 и Интер против Рапид во Виена (1:0). Шахтјор на стадионот на Металист во Хаков ремизира со Ајнтрајт Франкфурт (2:2), Валенсија во Глазгов славеше над Селтик со 2:0. Изненадување приреди БАТЕ Борисов кој со 1:0 ги доби 90. минути од двомечот со Арсенал.
Лига Европа
Шеснаесетфинале, први натпревари
Цирих – Наполи 1:3
Спортинг Лисабон – Вилјареал 0:1
Шахтјор Доњецк – Ајнтрахт Франкфурт 2:2
Викторија Плзен – Динамо Загреб 2:1
Малме – Челзи 1:2
Бриж – Салцбург 2:1
Селтик – Валенсија 0:2
Славија Прага – Генк 0:0
Рен – Бетис 3:3
Рапид Виена – Интер 0:1
Олимпијакос – Динамо Киев 2:2
Лацио – Севилја 0:1
Краснодар – Баер Леверкузен 0:0
Галатасарај – Бенфика 1:2
БАТЕ Борисов – Арсенал 1:0
Фенербахче – Зенит Санкт Петербург 1:0
Реваншите се наредниот четврток (21 февруари)