Олимпик Лион обезбеди плус два пред гостувањето на „Олимпико“ во реванш осминафиналето во Лига Европа. Францускиот тим ја совлада Рома со 4:2 во меч со многу пресврти на „Жерлан“ и најубави голови во понудата во вечерниот термин.
Диакаби во осмата минута му донесе водство на домашниот тим по што следуваа два гола во нивната мрежата до паузата. Салах израмни на 1:1 во 20 минута по груба грешка на стрелецот на водечкиот гол за Олимпик, а целосен пресврт донесе Фацио во 33 минута.
Трофејниот клуб во француската Лига 1 покажа поголема решителност во продолжение на средбата и желба за победа и пренесување на притисокот врз противникот во возвратните 90 минути во Рим. Притоа и успеа благодарение на сопствената упорност меѓутоа и безидејноста што ја демонстрира „волчицата“.
Набрзо по враќањето на терен, Толисо израмни на 2:2 во 47 минута, момент што беше двигател за уште поголема конкретност на Олимпик за трет гол и победа што не беше случај со Рома. Таквиот пристап им донесе резултат на Французите во 74 минута. Погоди Факир за 3:2, а подобрата игра беше крунисана со ефектна реализација на Лаказет во судиското продолжение за конечни 4:2.
Лига Европа
Осминафинале, први мечеви
Олимпик Лион – Рома 4:2
Генк – Гент 2:5
Шалке – Борусија М 1:1
Олимпијакос – Бешикташ 1:1
Селта – Краснодар 2:1
Ростов – Манчестер Ј. 1:1
Копенхаген – Ајакс 2:1
АПОЕЛ – Андерлехт 0:1
Реваншите се играат на 16 март