Published: Thursday, July 21, 2022 13:52
Шефот на британската дипломатија и еден од кандидатите за лидер на конзервативците и премиер на Велика Британија Лиз Трас денеска изјави дека не поддржува директно учество на британски војници во Украина.
На прашањето на Би-Би-Си дали, доколку стане премиер, ќе поддржи испраќање на британски војници во Украина, Трас одговори дека Лондон прави се што може за да ја поддржи Украина.
„Водевме меѓународна коалиција за испраќање оружје, воведуваме санкции, но јас не го поддржувам директното вклучување на британските војници“, рече британската министерка за надворешни работи Лиз Трас.