Канцеларијата на Хелсиншкиот комитет за човекови права на Република Македонија во недела, 15.октомври 2017 година, цел ден ќе биде отворена поради локалните избори, со цел да им овозможи на граѓаните да пријават евентуална повреда на избирачкото право.
Комитетот ги охрабрува сите граѓани кои сметаат дека нивното избирачко право е повредено да го пријават случајот во канцеларијата на Комитетот кој се наоѓа на ул. „Наум Наумовски Борче“ бр. 83 во Скопј или на телефонскиот број 02-3119-073.
Покрај личното и телефонското пријавување овозможена е и пријава преку е-пошта на helkom@mhc.org.mk.
Пријавите преку е-пошта треба да содржат кратко образложение за настанатата повреда, локација (изборна единица и број на гласачко место) и време на настанување на повредата на избирачкото право.
Граѓаните можат да ги поднесат пријавите наведувајќи ги своите лични податоци или анонимно.
Сите пријави до Комитетот ќе бидат дополнително истражени со цел да се верификува нивната веродостојност.
Тајноста и неповредливоста на личните податоци се загарантирани од страна на Хелсиншкиот комитет и тие нема да бидат објавени без претходна дозвола од страна на граѓаните што ја пријавиле повредата.