Локалните избори закажани за 19 октомври ќе бидат осми од независноста на државата, а четврти на кои се избираат градоначалници и советнички листи во 80 општини и во Град Скопје.
На Локалните избори 2025 има вкупно 309 кандидати за градоначалници и 576 кандидатски листи за членови на општинските совети со вкупно 10 490 кандидати.
Државната изборна комисија на седница во петокот го заклучи Избирачкиот список на кој се запишани 1.832.415 избирачи.
Право на глас имаат 112.000 избирачи кои се на привремена работа или престој во странство, 2.162 избирачи кои се наоѓаат на издржување казна затвор или се во притвор и 450 избирачи од домовите за стари лица.
Ќе се гласа на 3.480 избирачки места.
На своите страници „Вести“ и „ Политика“, Веб порталот НОВА ТВ.мк, редовно ќе известува за поважните активности од кампањата на политичките и на граѓанските субјекти кандидатки и кандидати за градоначалнички и градоначалници и за советнички и советници.