Филип Кузмановски ќе паузира од ракометните терени најмалку два месеца и неговото враќање ќе зависи од рехабилитацијата по скршеницата на десната рака што ја здоби на почетокот на натпреварот со Татран Прешов во Лигата на шампионите. Со ова се потврдија лошите прогнози за сериозноста на повредата на левиот бек од чие отсуство губи и Металург и репрезентацијата.
Деталните прегледи кај Кузмановски укажаа на потреба од хируршка интервенција што, секако, не е добра вест ниту за самиот ракометар ниту за Лино Червар како тренер на вицешампионот и како селектор. Тоа значи дека групната фаза во Лигата на шампиони за оваа сезона е завршена за него и, најверојатно, светското првенство во Франција во јануари на кое ќе учествува и Македонија.