Кристијано Роналдо, конечно, „стрелаше“ за Јувентус и во Лигата на шампионите, но и загуби на домашен терен по фантастичниот пресврт на Манчестер јунајтед за 2:1 во дербито на вечерашните дуели од четвртото коло во Е – Х групите. Португалецот со одлична реакција ја претвори во гол асистенцијата од Леонардо Бонучи во 65. минута, го прекина постот што 450 минути во кои упати 20 непрецизни удари и го предизвика неговиот сонародник на клупата на „црвените ѓаволи“ да нападне.
Жозе Мурињо ги погоди замените. Во 79. минута од игра ги повлече Андрер Ерера и Алексис Санчез и на терен ги испрати Хуан Мата и Маруан Фелаини, потег што на крајот се покажа и вистински и навремен. Седум минути подоцна Шпанецот му возврати со гол од слободен удар за 1:1, а во последната од основниот дел на средбата свој удел при победничкиот погодок за премиерлигашот имаше Белгиецот иако во записникот е заведен како автогол на Бонучи.
По завршување на средбата, „специјалниот“ влезе во терен и со рака го насочи десното увото кон трибините за провокација во стилот „да ве слушнам“. Неговиот гест наиде на свирежи на гледачите, реагираа и дел од домашните фудбалери за непотребната реакција меѓутоа Мурињо не би бил Мурињо ако не истакне дел од своите умешности за шоу во секоја прилика.
Лига на шампиони, 4 коло
Група Е
Баерн Минхен – АЕК 2:0, Бенфика – Ајакс 1:1.
Табела: Баерн Минхен 10, Ајакс 8, Бенфика 4, АЕК 0.
Идно коло (27.11.2018 год.): Баерн Минхен – Бенфика, АЕК – Ајакс.
Група Ф
Манчестер сити – Шахтјор Доњецк 6:0, Олимпик Лион – Хофенхајм 2:2.
Табела: Манчестер сити 9, Олимпик Лион 6, Хофенхајм 3, Шахтјор Доњецк 2.
Идно коло (27.11.2018 год.): Олимпик Лион – Манчестер сити, Хофенхајм – Шахтјор Доњецк.
Група Г
Викторија Плзен – Реал Мадрид 0:5, ЦСКА Москва – Рома 1:2.
Табела: Рома 9, Реал Мадрид 9, ЦСКА Москва 4, Викторија Плзен 1.
Идно коло (27.11.2018 год.): Рома – Реал Мадрид, ЦСКА Москва – Викторија Плзен.
Група Х
Јувентус – Манчестер јунајтед 1:2, Валенсија – Јанг Бојс 3:1.
Табела: Јувентус 9, Манчестер јунајтед 7, Валенсија 5, Јанг Бојс 1.
Идно коло (27.11.2018 год.): Јувентус – Валенсија, Манчестер јунајтед – Јанг Бојс.