Зоран Иванов
Христијан Мицкоски денеска се надмина себеси и во својот ЕПП настап како премиер си впиша уште еден карактерен минус.
Без трунка совест си го зграби засебе моментот на незадоволството на јавноста од наместениот судски епилог во корист на возачот кој пред некоја година усмрти девојче.
Си напишал говор, си нарачал камера, си наместил настап, си ги испоплука судијата и судот и си го присвои граѓанскиот револт од срамната судска пресуда.
И му успеа, плански секако, својата напишана и неумешно прочитана патетика во првата минута да му ја извртат сите негови и ненегови телевизии.
Си ја постигна ли целта со ваквиот наместен автореклмен јавен настап, ќе ценат ТВ гледачите.
И има ли бар трунка човечна искреност во таквиот настап и на таа тема, исто така, ќе цени публиката на телевизиските вести.
И, секако, и ожалостените и од грдата судиска одлука и навредените родители.
И успеа ли и со овој негов денешен ТВ гест, доволно да го сврати вниманието од историски нај жешкиот владин костен за кој јавноста, повредените, родителите, роднините, пријателите, уште ја чекаат неговата реакција.
Реакција политички морална, институциоанлно неселективна и правно сеопфатна.
Реакција премиерска за сопствената и за одговорноста на неговите за кочанскиот пекол.