Луѓето со дијабетис кои вчера преку прес-конференција реагираа на тоа што Националната комисија им бара дополнителни пари за инсулини и се заканија со кампување пред министерството добија демант од Комисија, која тврди дека нема проблем со инсулините.
Според корисниците на инсулин, бесрамно е што Националната комисија мами и со тоа го загрозува здравјето на лицата со дијабетис.
„Националната комисија на бесрамноста и безчeсноста што во јавноста се претставуваш како некаква си комисија за дијабетес не си играј со нашата трпеливост! Престанете да лажете, да мамите, престанете да го загрозувате здравјето на лицата со дијабетес
Ако инсулините што ги набавувате се од врвни производители зошто единствен критериум ви е нивната цена!? Или криете нешто зад “брендовите“ на кои се повикувате!? Се слушате ли вие што зборувате во тие гнасни и налудничави “деманти“!?
Имало инсулин! Не правите будали при здрава памет, правите будала од целата јавност! Еве ви само трошка од она што како докази го имаме “на лице место“ на настаните – инсулинските аптеки по државава.
Сакате комплет и постојано да ве фотодокументираме? Нема проблем отсега натаму тоа и ќе го направиме- фотогалерија на инсулинските аптеки. Сакате илјадници нотарски заверени изјави на дијабетичари? Нема проблем и нив можеме да ви ги лупнеме пред врата.
Лажете и барате од нас да ви ја вршиме работата за која што земате наши пари. Сакате ние да ви доставуваме неисправни ампули или да ви ги донесеме оние бофл глукомери!?
Па не сте нормални. Ама тоа не ве ослободува од кривична одговорност. “ се вели во реакцијата на корисниците на инсулин.