Претседателот на Белорусија, Александар Лукашенко, им нареди на белоруските експерти да обезбедат снабдување со електрична енергија во нуклеарната централа „Чернобил“ во Украина, пренесува белоруската агенција „Белта“.
Лукашенко нареди и белоруската армија да спречи каков било напад врз руските сили „од зад грб“.
Украинците вчера алармираа дека по прекинот на струја постои опасност од истекување на радијација во „Чернобил“ .
Министерот за надворешни работи, Дмитро Кулеба, вчера изјави дека резервните дизел генератори може да ја одржуваат фабриката само 48 часа.
– Потоа системите за ладење на складиштето на потрошеното нуклеарно гориво ќе бидат стопирани, поради што истекувањето на радијацијата ќе биде неизбежно, објави тој на Твитер.
И Меѓународната агенција за атомска енергија (МААЕ) на Твитер објави дека „случувањата го поткопуваат клучниот безбедносен столб за да се обезбеди непречено снабдување со електрична енергија“, но дека „во овој случај, МААЕ не гледа решавачко влијание врз безбедноста“.