Шпанското министерството за внатрешни работи соопшти дека испраќа дополнителни полициски сили во Каталонија за одржување на мирот и за да обезбедат дека нема да се одржи референдум за независност.
Каталонија која планира да одржи референдум за независност на 1 октомври има своја полиција „Мосос десквадра“ иако и шпанската државна полиција „Гвардија сивил“ има пунктови во целиот регион. Двете полииски служби често соработуваат.
-Тие ќе бидат задолжени за надзор на јавниот простор и за одржување на редот и ќе реагираат во случај на одржување на незаконскиот референдум, се наведува во соопштението, во кое уште стои и дека полицајците ќе делуваат како поддршка за каталонската полиција која и натаму останува одговорна.
Министерството за внатрешни работи не објави колку полицајци испраќа во регионот, но шпанските медиуми јавуваат дека се работи за бројка меѓу 3 и 4 илјади.
Во Каталонија вообичаено се распоредени околу 5.000 државни полицајци и околу 17.000 припадници на „Мосос десквадре“.
Министерството за внатрешни работи им порача на полицајците во Каталонија дека нема да можат да земаат слободни денови од 20 септември до 5 октомври.