Македонија попладнево во нов настап на Светското ракометно првенство. Противникот е Бахреин од 14 часот во Минхен во воведниот меч од второто коло во групата Б. „Црвено-жолтите“ и овојпат важат за апсолутни фаворити со вториот состав од Азија во конкуренцијата.
Желбите во таборот се решавање на натпреварот уште во првиот дел што ќе значи и минутажа за помладите и дебитантите во продолжението, но и чување на силите за утрешната пресметка со Хрватска, првата од трите сериозни за националниот тим за прогрес во главната фаза на турнирот.
Македонија во првото коло ја совлада Јапонија со 38:29 додека Бахреин загуби од Шпанија со 23:33. Во групата Б денеска и мечевите на Хрватска со Јапонија од 16.30 часот и Шпанија – Исланд во дербито од 19 часот.
Денеска на СП во ракомет (м)
Група Б
Македонија – Бахреин (14 ч.)
Хрватска – Јапонија (16.30 ч.)
Шпанија – Исланд (19 ч.)
Група Д
Катар – Египет (15.30 ч.)
Унгарија – Ангола (18 ч.)
Шведска – Аргентина (20.30 ч.)