Милан е шестиот италијански клуб, а Донарума голман што ја почувствува моќта на Илија Несторовски. Репрезентативниот напаѓач на Македонија го совлада Донарума, еден од тројцата голмани на Италија, во 71 минута за израмнување на „Ренцо Барбера“ попладнево во меч од 13 коло во Серија А. Но, неговата реализација одново недоволна за Палермо да избегне пораз и полека да ппочне да излегува од опасната зона. Единаесет минути погоди Лападула за враќање на предноста на Милан (1:2) што беше и конечен резултат на Сицилија.
Палермо е на последното место во калчолигата со само шест освоени бода. Осум меча е без победа од кои седум се порази. Последната радост за Несторовски и соиграчите беше во петтото коло на гости против Аталанта (0:1) што засега е единствена во сезоната. Македонскиот репрезентативец беше стрелец на погодокот во Бергамо. Оттогаш сицилијанците имаат едно реми (против Сампдорија во Џенова) и дури шест порази. Јувентус беше подобар со 1:0, Торино и Рома славеа по 4:1, Удинезе со и Калјари и Милан по 2:1.
Одличен реализаторски ефект притоа бележи Несторовски во мизерната ефикасност на Палермо. Клубот од Сицилија досега постигна само девет гола и прими 23. Шест од нив се дело на Несторовски, по еден отпаѓа на Рисполи, Кваизон и Чочев. По паузата за репрезентативни настапи Палермо ќе ѝгостува на Болоња.
Голот на Несторовски против Милан е во 2:45 минути од видеото.
https://www.youtube.com/watch?v=8ofGylg-ru4