Францускиот претседател Емануел Макрон предупреди на глобална „криза на демократиите“ по годините на „притисок“ и напори за „дестабилизација“ во ексклузивно интервју за Си-Ен-Ен.
„Мислам дека имаме голема криза на демократии, на она што јас би го нарекол либерални демократии. Тоа треба да се каже јасно. Зошто? Прво, затоа што да се биде отворено општество и отворена и кооперативна демократија, прави притисок врз луѓето. Тоа би можело да ги дестабилизира“, рече Макрон во интервјуто снимено вчера, кое ќе се емитува денес на „The Lead“ на CNN.
„И затоа мораме секогаш да покажуваме почитување на волјата на луѓето, обзири кон средната класа и целиот напредок што го постигнаа нашите демократии кои ги прифаќаат различните култури, и се отворени и соработуваат. Ова е прашање на рамнотежа“, продолжи тој.
„Јасно е дека во текот на изминатите неколку години имавме зголемен притисок врз нашите општества и сме на точка каде што, во нашите различни земји, постои она што јас би го нарекол криза на средната класа“.
Коментарите на Макрон се совпаѓаат со апелите на претседателот Џо Бајден глобалниот натпревар на 21-от век да биде меѓу демократиите и автократиите. Ваквите предупредувања добија нова тежина во последниве месеци, бидејќи стравувањата од глобална рецесија и заканите за демократијата се зајакнуваат заедно со војната на Русија во Украина.
Макрон победи на реизборот во април со говорот пред гласачите за глобализирана, економски либерална Франција на чело на комплексната Европска унија.
Но, настапот на неговата екстремно десничарска противкандидатка, Марин Ле Пен, е уште еден показател дека француската јавност се свртува кон екстремистичките политичари за да го изразат своето незадоволство од статус квото. (Си-Ен-Ен)