Осврнувајќи се на Планот за забрзан раст на земјите од Западен Балкан, вицепремиерот за европски прашања, Бојан Маричиќ во интервју за Слободен печат истакна дека тој е најновата успешна приказна на ЕУ
„Планот за раст е најнова успешна приказна на ЕУ која што е промовирана во Скопје, минатиот ноември во формат министри за европски прашања и минстри за финансии од сите држави во регионот со високи претставници на ЕУ, директорот Копман и комесарот Вархеји. Она што ние инсистиравме е овој план да се спроведува брзо и конкретно. Со конкретни придобивки за граѓаните, да не даваме големи ветувања кои што ќе се случат којзнае кога туку да утврдиме неколку конкретни работи кои ќе се случат сега и што побрзо“ рече Маричиќ.
Тој наведе и неколку конкретни работи и придобивки што се договорени на состаноците.
„Прво е учеството на државите од Западен Балкан во т.н СЕПА, а тоа е единствената платежна зона на ЕУ, во која што по многу пониска цена се врши трговијата со стоки и услуги меѓу ЕУ и Западен Балкан, што значи помалку трошоци во платежниот систем и внесување на нашите економски оператори во платежниот систем на ЕУ.
Другата конкретна придобивка се зелените ленти за граничните премини за возила кои носат роба, или стоки од Западен Балкан, Ова го воведовме пробно во време на КОВИД кризата, само за дефицитарни производи, кои фалеа а беа неопходни и за лекарства. Сега ќе го воведеме за сите производи и овие 2 мерки треба да се случат до крајот на 24-та година.
Исто така би спомнал следна мерка ВИ – ФИ за ЗБ. Или Интернет за Западен Балкан според која што треба да се направи целиов регион многу подостапен односно интернетот многу подостапен за секој граѓанин. Овој проект, финансисран од ЕУ подразбира во 500 оптшини низ целиот регион да се направи бесплатен интернет за граѓаните од урбани и рурални средини со финансирање на ЕУ и тоа е добро и за развој на туризмот, подобра комуникација.Исто така мерката за пристап до европската мрежа за дигитални иновации каде што малите, средните претпријатија, јавните институции ги носи кон процес на дигитализација на сопствените услуги.
И последната мерка важна за нашата фармцевтска индустрија, внесување во системот за обезбедување на неопходни лекови. Критичен медицински систем го викаат, на ЕУ, и тоа е воведено во време на Ковид кризата. Целта на овие мерки е да се случат до крајот на оваа година и да можат да почнат да ги користат граѓаните на Западен Балкан“ посочи Маричиќ.