Високиот претставник на ЕУ, Жозеф Борел од утре до среда ќе ги посети Скопје, Тирана и Сараево.
Својата турнеја, Борел ја започнува во Скопје каде што ќе се сретне со државиот врв. Посетата се случува во еден специфичен контекст на ескалација на војната во Украина како и се поинтензивното руско влијание во регионот во контекст на случувањата на оваа најголема безбедносна криза на конктинетот по падот на Железната завеса.
– Очекувам да се разговара за украинската криза и за тоа што нашата регионална соработка тука на Западен Балкан е препозаена како извор на стабилност и безбедност. Со сигурност ќе бидат потенцирани заложбите за брза европска интеграција на Западен Балкан кон Европската Унија, во што е можно побрзи рокови, изјави за НОВА, вицепремиерот Бојан Маричиќ.
Една од целите на оваа посета е и да се видат модалитетите за поддршка на економиите на земјите од регионот кои ги поддржаа санкциите кон Русија.
По разговорите во Скопје, Борел патува за Тирана на средба со албанскиот државен врв, високиот претсавик на ЕУ патува за Сараво каде што ќе ја заврши својата турнеја.