Published: Saturday, November 25, 2017 13:21
Бројот на жртвите во крвавиот терористички напад врз џамија во египетскиот град Ариш се искачи на 305, од кои 27 се деца, јави новинската агенција ДПА.
Египетските власти информираа дека 128 лица се повредени во нападот во кој меѓу 25 и 30 исламисти, вооружени со бомби и автоматско оружје, ја нападнаа џамијата. Напаѓачите го вееле црното знаме на Исламската Држава за време на нападот.
Тридневна жалост е прогласена во Египет, каде јавноста е шокирана од нападот. Египетската армија употреби дронови за да ги пронајде и ликвидира терористите во околината на Ариш, град кој се наоѓа на Синајскиот полустров, каде честопати доаѓа до судири меѓу армијата на Египет и исламисти.