Лидерот на италијанската Демократска партија, Матео Ренци, кој претрпе пораз на изборите, одлучил да поднесе оставка од лидерската позиција во партијата, јави АФП.
Оваа информација АФП ја базира на партиски извори, додека портпролот на Ренци на Твитер одговори дека засега ништо не е официјално.
Италијански медиуми јавуваат дека Ренци ќе се обрати околу 17 часот.
Според прелиминарните резултати од вчерашните парламентарни избори, најмногу гласови освои „Пет ѕвезди“, додека на второ место е Демократската партија, предводена од поранешниот премиер Матео Ренци, со 18,7 отсто за Сенат и 18,1 отсто за Домот на пратеници.
Коалицијата на деснот центар предводена од партијата Форца Италија на поранешниот премиер Силвио Берлускони и десничарската и евроскептична Лига за Северот со 36,6 отсто за Сенатот и 34,8 отсто за Долниот дом освоија најмногу гласови за двата парламентарни дома, но немаат доволно гласови за сами да формираат влада.