ДЕСТАН ЈОНУЗИ
Наспроти бруталниот 11-годишен режим на Никола Груевски, поранешниот социјалдемократски лидер Зоран Зaев беше вистинит, веруваше во западните вредности кои ги интернализираше и создаде политичка филозофија која го воодушеви Западот, беше искрен, имаше одлична идеја и идеал и секој ден се зборуваше за толеранцијата и човечките вредности.
Никогаш не се изјасни со тонови, како на сегашната опозиција, колку е „нечесна“ Бугарија, Грција или неговите противници, не мразеше никого, но зборуваше за духот на толеранцијата и се разбуди, како што рече, со идејата да направи нешто добро за својата земја и луѓето – „Едно општество за сите“.
Значи, нашата земја, која порано ја сакаше и пренесуваше политичката мисла, сега е во состојба на ментална парализа. Затоа, денес ретко кој во западниот свет им верува на нашите опозиционери, ВМРО-ДПНЕ, Левица – Мицкоски, Апасиев и Данела „Правда“, затоа што немаат поим, не се ниту вистинити, ниту искрени.
Затоа што нивните објаснувања за политичките прашања не се ниту вистинити, ниту компетентни, ниту западни, туку се резултат на параноја, неспособност и длабоко незападен начин на размислување. Државата не може да се развива ако наоѓаме изговор за секој неуспех, ако секој ден покажуваме колку се лоши другите, а ние самите не правиме ништо вредно.
Алберт Ајнштајн рекол: „Само ароганцијата е поопасна од незнаењето“.
Зоран Заев веруваше во доброто – цврст беше во ова верување – насилството не го следеше со насилство, туку со опцијата добрина.
Затоа, денес на Северна Македонија ѝ треба политичката и културната мисла на Зоран Заев, како што на човек му треба чист воздух и вода, бидејќи неговото дело е неисцрпен политички извор, каде што можеме да ја задоволиме нашата жед, каде што можеме да се освежиме и се храни и во исто време се инспирира за добри и корисни дела.
Северна Македонија денес е во овој политички ќорсокак, затоа што не продолжи да го следи патот на Заев, патот што не донесе до членство во НАТО, меѓународно достоинство и развиена држава.
Од друга страна, опозицијата денес во Северна Македонија е без политички авторитет и со некои опасни демагози со екстремистички начини на размислување, кои парадираат како лажни пророци. Треба да се вратат назад – и да учат политика од визијата на Зоран Заев, која е свежа, и да се инспирираат од неговата фигура, за да ги надминеме големите предизвици со кои се соочува државата.
Блокирањето на уставните амандмани, а со тоа и стопирањето на процесот на европска интеграција на државата од страна на опозициската ВМРО-ДПМНЕ, оди во корист на проруските сили во регионот и на штета на граѓаните на Северна Македонија. Руската агенда на Балканот е прва што го помага процесот на блокирање на уставните измени, со цел земјата да не чекори кон интеграција во Европската унија. На сите ни е јасно дека на Кремљ му треба дестабилизиран Балкан за да го одвлече вниманието од агресијата и војната што се случува во Украина.
Но, за наша среќа, никој од македонските граѓани не ги дели истите вредности како Русите, сите ги сакаат европските вредности, освен Христијан Мицкоски, кој го сака европскиот хедонизам, но не стоицизмот, посветеноста… Политичкиот, економскиот и цивилизацискиот развој на Европа има долга историја и во никој случај не е случајност.
Од овие вредности тешко некој дека ќе ги оддели граѓаните на Северна Македонија!
Попречувањето на продолжувањето на европските интеграции на Северна Македонија е, всушност, војна меѓу Западот (за продолжување на европските интеграции на Северна Македонија) и руските интереси (за нивно блокирање), како поширока слика за пополнување на геополитичкиот вакуум што се создаде на Западен Балкан.