Убаво поминавме… тие почнаа да се чудат, а им објаснивме дека кај нас обичај е со мекици да го одбележиме доаѓањето на свет на нов член во семејството. Однесовме 200 мекици, а сите бегалци ги бендисаа и наздравија во чест на нивниот најмлад сонародник – изјави за НоваТВ, Сузана Тунева Пауновска, секретар на Црвениот Крст на град Скопје.
Мекици замирисаа денеска во хотелот Белви, за добредојде на првото бебе од Авганистан кое се роди во вторникот на Клиниката за гинекологија, односно уште на вториот ден по доаѓањето во Македонија на првата група од 149 бегалци.
Активистите на Црвениот Крст на град Скопје денеска ги изненадија сонародниците на најмладиот член, кое е “прво, па машко“, кои, веднаш по пристигнувањето, беа сместени во хотелот Белви.
– Убаво поминавме… тие почнаа да се чудат, а им објаснивме дека кај нас обичај е со мекици да го одбележиме доаѓањето на свет на нов член во семејството. Однесовме 200 мекици, а сите бегалци ги бендисаа и наздравија во чест на нивниот најмлад сонародник. Инаку денеска го отворивме и детското катче во хотелот, а од понеделник бегалците од Авганистан ќе можат да го разгледаат и Скопје, со организиран превоз од ЈСП – изјави за НоваТВ, Сузана Тунева Пауновска, секретар на Црвениот Крст на град Скопје.
Бебето со неговата мајка биле вчера отпуштени од Клиниката и лекарите велат дека и двајцата се во добра здравствена состојба.
Како што објави порталот ММС, бебето, по желба на родителите, ќе се вика Ахмад Ислам Фаик.
Како што објавивме вчера, активистите на Црвениот Крст на град Скопје , уште веднаш по пристигнувањето во нашата земја, им го олеснуваат животот на бегалците и се главната логистика за сите нивни потреби и барања.
Инаку, на првото бебе од Авганистан кое се роди во Македонија, му следува и македонско државјанство по раѓање. Во првата група бегалци, има уште четири трудници.
Љубица Балабан
Активисти на Црвениот Крст на град Скопје