Бројот на жртвите од силниот земјотрес што го потресе Мексико пред два дена достигна над 230. Ова го соопшти Луис Фелипе Пуенте, национален координатор на силите за цивилна одбрана во земјата
-Бројот на загинати луѓе во Мексико се зголеми за уште 100. Вкупниот број на смртни случаи е 230, напиша тој во својот профил на Твитер.
Претходно светските агенции објавија дека загинале 250 луѓе, но властите соопштија дека за среѓа дел од луѓето се пронајдени живи под урнатините.
Потресот во целос урна и 27 згради во Мексико Сити. На уште 44 локации во главниот град зградите имат сериозни оштетувања. До сега во овој град потрврдена е смртта на 117 лица. Гасната мрежа е напукната, поради што надлежните упатија предупредувања до граѓаните.
Претседателот Енрико Пења Нието соопшти дека во едно училиште настрадале 20 деца, кога зградата се урнала, додека 30 се водат за исчезнати.
Околу 2 милиони луѓе се без струја, а прекинати се и телефонските линии во главникот град.
Сеизмолошката служба во Мексико објави дека земјотресот со јачина од 7.1 бил со епицентар во државата Пуебла на 12 километри југоисточно од селото Морекос, на 111 километри јужно од мексиканската престолнина. Длабочината била 57 километри.
Неколку часа по првиот, нов земјотрес со јачина од 4,9 степени според Рихтер, ги потресе бреговите на Мексико. Подоцна, беа пријавени повеќе од 10 секундарни земјотреси.
Сето ова се случи на денот кога пред 32 години Мексико беше погоден од катастрофален земјотрес, при што загинаа повеќе од 10.000 луѓе. Пред една недела уште еден силен земјотрес од 8.1 на Рихтер го потресе Мексико и уби над 90 луѓе.