Мемоарите на принцот Хари, предмет на опсесивно исчекување ширум светот откако првпат беа најавени минатата година, излегуваат на 10 јануари.
Книгата ќе се вика „Резервен“ и издавачот Penguin Random House, ја опиша како „сурова, непоколеблива искреност“ и исполнета со „увид, откровение, самоиспитување и тешко стекната мудрост за вечната моќ на љубов над тагата“.
Во соопштението објавено денес, Penguin Random House ги врати сеќавањата на смртта во 1997 година на мајката на принцот Хари, Дијана, и на Хари и неговиот брат Вилијам, „одејќи зад ковчегот на нивната мајка додека светот гледаше со тага – и ужас“.
„Додека Дијана, принцезата од Велс, беше погребана, милијарди луѓе се прашуваа што мислат и чувствуваат нејзините синови принцовите – и како ќе се одвиваат нивните животи од тој момент па натаму“, се вели во денешното соопштение.
За Хари, ова е конечно неговата приказна. Насловот на мемоарите е очигледна референца за тоа дека тој е кралска „резерва“, а не прв во редот за наследување на тронот, по неговиот брат Вилијам, принцот од Велс, кој ќе го наследи Кралот Чарлс на престолот.
Книгата има 416 страници и ќе излезе на 16 јазици, од холандски до португалски. Исто така ќе биде објавена и во аудио издание што ќе го чита принцот Хари. Финансискиот аранжман останува тајна но Хари, војводата од Сасекс, ќе ги користи приходите од „мемоарите за да донира во британски добротворни организации.
Набљудувачите на кралското семејство и пошироката јавност бескрајно шпекулираа откако книгата за првпат беше најавена во јули 2021 година, опишана како „интимна и искрена“.
Доцнењето на книгата доведе до гласини дека Хари се двоумел да каже премногу за своето семејство или можеби го ревидирал наративот откако неговата баба, кралицата Елизабета Втора, почина во септември.
Извор: Асошиетед Прес