Мерц: Мали се шансите за брз крај на војната во Украина преку преговори

Германскиот канцелар Фридрих Мерц изјави дека има мали шанси за брзо завршување на војната во Украина преку преговори.

Мерц изјави за германските весници NBR и Rheinfalz дека според него војната ќе заврши само кога една од двете страни ќе биде исцрпена, „или воено или економски“.

Разумот и хуманитарните аргументи нема да го убедат рускиот претседател Владимир Путин. Тоа е горчливата вистина, рече Мерц. Според него, целта на европските напори е „да се спречи руската држава воено да ја продолжи војната и да ја финансира“, објави Шпигел.

Мерц смета дека е практично невозможно нормалните односи со Путин некогаш да се вратат. Кога го гледам овој режим и овој слеп, бесен терор, имам малку надеж, рече германскиот канцелар.